教你花式玩转大米方法 让它把你的胃口提起来

Signaletica stradale bislingua in i Scottish Highlands.

百度 其实，这一系列动作，目的都是尽可能地去除茶的寒凉之性。

U gaelicu scuzzese (o Gaelicu scuzzesu), ancu chjamatu simpliciamente scuzzese o anticamente erse (Gàidhlig in a lingua stessa, da paragunà incù u nome Gaeilge di l'irlandese) hè una lingua appartinendu à u ramu gaelicu di e lingue celtiche, chì sò cullegate à a famiglia di e lingue indoeuropee. Hè per u più parlatu in Scozia in i Highlands è l'Ebride. Hè dinù praticatu da une poche di cumunità di Nova Scozia à u Canada, soprattuttu in l'Isula di u Capu Brittone, per via di l'emigrazione di campagnoli scuzzesi cacciati fora per forza da i grandi pruprietarii terrani à u seculu XIX. 'Ssa forma di a lingua hè diventata u gaelicu canadianu.

U gaelicu scuzzese hè ricunnusciutu da u Regnu Unitu cum'è lingua regiunale di a Scozia, sient'è a Cartula europea di e lingue regiunale o minuritarie. Dapoi una leghje di u parlamentu scuzzese vutata u 21 d'aprile di u 2005, hè lingua officiale di a Scozia (incù l'inglese). Hè usatu in a signaletica stradale bislingua.

Cum'è lingua tradiziunale di i Gaels, o Scots (i Celti venuti da l' Irlanda chì pupulonu u nordupunente di l'isule Britanniche versu u seculu V), u gaelicu occupa una piazza impurtante in a cultura tradiziunale scuzzese : custituisce a lingua storica di a forza parte di a Scozia attuale.

Però, ùn ci vole micca à cunfonde u gaelicu scuzzese incù u scots, lingua germanica, furmata à parte si da u vechju inglese parlatu in Nortumbria. U scots hè dinù ricunnusciutu cum'è lingua regiunale di a Scozia.

U gaelicu scuzzese hè sturicamente ligatu à l'irlandese, da induve u so nome anzianu di erse, forma scots di a parola inglese Irish. Difatti, i dui idiomi sò oghje menu differenti chì u francese da u talianu. Puru e duie lingue anu cuminciatu à diverge da u seculu V. U gaelicu scuzzese hà cunnisciutu mentre u periodu di e Grande invasione scambii culturali è linguistichi intensi incù l'altri populi di u nordu di l'isula di Brittania. S'è a prussimità ferma evidente, l'intellighjibilità mutua di e duie lingue ùn hè micca evidente.

U Gaelicu scuzzese hè differente in tuttu da l'inglese è un locutore anglofunu ùn capiscerà micca una cunversazione in 'ssa lingua.

Caratteristiche

Loch Uisgebhagh, Benbecula, in l'Ebride di fora

U santacroce gaelicu cumporta 18 lettere : a, b, c, d, e, f, g, h, i, a, m, n, o, p, r, s, t, u.

Sturicamente, u nome d'ogni lettera era quellu d'un arburu (ailm - olmu, beith - brith, call - nuciolu, è tira è tocca).

U gaelicu scuzzese improda a flessione per distingue u casu di i nomi, è i tempu, modu, è diatesi di i verbi.

A pronuncia di u gaelicu hè regita da a regula d'oru "Leathann ri leathann is caol ri caol" (e forte incù e forte è e debule incù e debule). E vucale forte sò a, o è u. E vucale debule sò e è i. Quandu una o parechje cunsunante sò piazzate trà duie vucale, quest'ultime devenu esse di listessu tipu. S'è omu nota e vucale debule "A", e vucale furzute "B" è e cunsunante "C", omu custata chì e cumbinazione A-C-B è B-C-A ùn occorrenu guasi mai (omu nuterà eppuru l'esistenza di une poche di eccezzione cum'è airson, "cum'è" o esan, "ellu").

U corullariu hè chì l'ortugrafia chì ùn ubbidisce micca à 'ssa regula hè sia culpevule, sia straniera. In a parola " Gàidhlig " per indettu, e cunsunante " dhl " sò circundate da vucale debule (i). Dinù, in a parola " uhàthhànn ", e cunsunante " th " sò circundate da vucale forte (a).

A grammatica gaelica pussede uni pochi di caratteristiche maestre :

• L'ordine di e parole hè verbu-sughjettu-ogettu.
• U gaelicu cumbineghja i prunomi incù e prepusizione per crià e " prepusizione cunghjucate " cum'è in altre lingue celtiche. Per indettu, aig (à) + mi (eiu) > agam.
• I prunomi esistenu sottu à duie forme : i prunomi rigulari (mi, thu, e, è cetera.) è i prunomi enfatichi (mise, thusa, esan...).
• Cum'è in altre lingue celtiche (tale u brettone è u gallese), u gaelicu sprima u pussidimentu cù l'aiutu d'una pruposta: qualchì cosa hè à qualchissia.
• Infine, u gaelicu pussede numerosi articuli definiti (chì dipendenu di u numeru, u generu, u casu, è di a lettera iniziale di u nome). Ignora l'articuli indefiniti, cum'è u gallese è u brettone anzianu.

Hè di u gaelicu scuzzese ch'elle venenu e parole corse whisky, clanu, tartanu è stronziu.

Nomi di lochi in gaelicu scuzzese

Ripartizione di i locutori di gaelicu scuzzese in e parochje di Scozia

Dubh Sgeir in l'isule MacCormaig, in l'Ebride di drentu

• Aberdeen – Obar Dheathain
• Aviemore – an Aghaidh Mhòr
• Ayr – Inbhir Air
• Brechin – Breichin
• Cumbernauld – Comar nan Allt
• Dingwall – Inbhir Pheofharain
• Dornoch – Dòrnach
• Dumfries – Dùn Phris
• Dunblane – Dùn Bhlàthain
• Dundee – Dùn Dèagh
• Dunfermline – Dùn Phàrlain
• Dunkeld – Dùn Chailleann
• Dunottar - Dùn Fhothair
• Dumbarton – Dùn Breatann
• Edimburgu – Dùn èideann
• Elgin – Eilginn
• Forres – Farrais
• Fortrose – A' Chananaich
• Fort William – An Ghearasdan
• Glasgow – Glaschu
• Gleneagles – Gleann Eagas
• Inverness – Inbhir Nis
• Kilmarnock – Cill Mhearnaig
• Lismore – Lios Mòr
• Paisley – Pàislig
• Perth – Peairt
• Rosemarkie – Ros Maircnidh
• Santu Andrews – Cill Rìmhinn
• Scone – Sgàin
• Stirling – Sruighlea
• Stornoway – Steòrnabhagh
• Whithorn – Taigh Mhàrtainn

Esempii di parole è infrasate corte in gaelicu scuzzese

Benvinuta bislingua in a stazione di Glasgow Centrale.

• lang|gd|Fàilte [IPA|?fa?l??] " Benvinutu ! "
• lang|gd|Halò [IPA|?halo?] " Salute ! "
• lang|gd|Ciamar a tha thu? [IPA|?k?j?m??? ?hau] " Cume vai ? "
• lang|gd|Ciamar a tha sibh? [IPA|?k?j?m??? ?ha??v] " Cume andate ? "
• lang|gd|Tha mi gu math [IPA|?hami k??m?] " Eiu vocu bè. "
• lang|gd|Dè an t-ainm a th' ort? [IPA|d?e?n ?t???n?m? h???t?] " Cume ti chjami ? "
• lang|gd|Dè an t-ainm a th' oirbh [IPA|d?e?n ?t???n?m? h???v] " Cume vi chjamate ? "
• lang|gd|Is mise... [IPA|?smi??] " Socu... " (Mi chjamu...)
• lang|gd|Mar sin leat [IPA|?ma??in u/a??t?] " à vede ci " (singulare)
• lang|gd|Mar sin leibh [IPA|?ma??in lev] " à vede ci " (plurale)

Da vede dinù

• lingue celtiche
• lingue gaeliche
• lingue in Scozia
• Scrittori di lingua scuzzese
• Litteratura in gaelicu scuzzese

Note

Ligami esterni

• Dizziunariu online di scuzzese
• Speaking Our Language - Bruidhinn ar Cànan Sabhal Mòr Ostaig - Colaiste Ghàidhlig na h-Alba - Criatu da u Sabhal Mòr Ostaig, liceiu d'insignamentu sicundariu